اسلام آباد (پاک ترک نیوز ) چیف جسٹس یحییٰ آفریدی کی سربراہی میں جوڈیشل کمیشن کا اجلاس ہوا ہے جس میں جسٹس ثمن رفت امتیاز کی سندھ ہائیکورٹ تبادلے کی منظوری دے دی گئی ، اسلام آباد ہائی کورٹ کے جسٹس محسن اختر کیانی کو لاہوراور جسٹس بابرستار کو پشاور ہائیکورٹ میں ٹرانسفر کرنے کی منظوری دی گئی۔اسلام آباد ہائیکورٹ کے چیف جسٹس سرفراز ڈوگر نے جسٹس ارباب طاہر اور جسٹس خادم سومرو کے تبادلے کی سفارش واپس لے لی۔۔جسٹس محسن اختر کیانی تبادلے کے بعد لاہور ہائی کورٹ کے ججز میں 12 ویں نمبر پر ہونگے،جسٹس محسن اختر کیانی اسلام آباد ہائی کورٹ میں سینئر ترین جج تھے۔جسٹس بابر ستار تبادلے کے بعد پشاور ہائی کورٹ میں چھٹے نمبر پر ہونگے۔جسٹس بابر ستار اسلام آباد ہائیکورٹ میں سنیارٹی میں تیسرے نمبر تھے۔جسٹس ثمن رفعت امتیاز تبادلے کے بعد سندھ ہائی کورٹ میں 16 ویں نمبر پر ہونگی۔جسٹس ثمن رفعت امتیاز اسلام آباد ہائیکورٹ میں سنیارٹی لسٹ میں چھٹے نمبر پر تھیں
جوڈیشل کمیشن کا اجلاس ، 3ججوں کے دیگر ہائیکورٹس تبادلے کی منظوری
