نئی دہلی (پاک ترک نیوز )بھارت نے بنگلہ دیشی وزیرِاعظم کے مشیر زاہد الرحمان کو نئی دہلی کے اندرا گاندھی بین الاقوامی ہوائی اڈے پرروک لیا،بنگلہ دیشی مشیر سے پوچھ گچھ کے بعدملک میں داخلے کی اجازت دی گئی
بھارتی حکام کے روئیے پراحتجاج کرتےہوئے وزیراعظم طارق الرحمان کے مشیر نے اپنا دورہ منسوخ کردیا، واپس ڈھاکا چلےگئے۔بنگلہ دیشی میڈیا رپورٹس کے مطابق وہ کولمبو کے راستے وطن واپس لوٹے۔
زاہدالرحمان انڈین اوشن رم ایسوسی ایشن کے ایک اجلاس میں شرکت کیلئے پہنچے تھے جس کیلئے ان کی آمد پہلے سے کنفرم تھی ،بھارتی امیگریشن حکام نے انہیں جان بوجھ کرتقریباً ڈھائی گھنٹے تک روکے رکھا۔
رپورٹس کے مطابق اعلیٰ حکام کی مداخلت کے بعد انہیں داخلے کی اجازت دے دی گئی، تاہم بنگلہ دیشی مشیر زاہدلرحمان نے اپنا دورہ منسوخ کرتے ہوئے واپس بنگلہ دیش جانے کو ترجیح دی۔
نئی دہلی میں بنگلہ دیشی ہائی کمیشن نے سفارتی مراسلے کے ذریعے وزارتِ خارجہ کو ان کے دورے سے باضابطہ طور پر آگاہ کیا تھا۔بنگلہ دیش کے ہائی کمشنر ایم ریاض حمیداللہ نے بھی دورے سے قبل بھارتی حکام سے رابطہ کیا تھا۔
