اسلام آباد ( پاک ترک نیوز) عدلیہ کی سرپرستی میں بچوں کو یتیم نہیں کر سکتے، سپریم کورٹ کا سزائے موت کے خلاف اہم فیصلہ آ گیا۔
بیوی اور بیٹی کے قاتل محمد امین کی سزائے موت کو عمر قید میں تبدیل کر دی گئی ، جسٹس اشتیاق ابراہیم نے تحریری فیصلے میں لکھا زندہ بچ جانے والے واحد والدین کو پھانسی دینا عدلیہ کی سرپرستی میں بچوں کو یتیم کرنے کے مترادف ہے۔
ریاست کو ایک بچے کی مکمل بیچارگی اور خاندان کی تباہی کا معمار نہیں بننا چاہیئے۔
اقوام متحدہ کے کنونشن کے تحت بچوں کے بہترین مفاد کو مدنظر رکھنا ریاست کی ذمہ داری ہے ،جب وارث مقتول کا براہ راست وارث ہو تو دفعہ 306 کے تحت قصاص نافذ نہیں ہو سکتا ،مجرم اپنی 15 سالہ بیٹی کا واحد بچ جانے والا سہارا ہے۔
عدلیہ کی سرپرستی میں بچوں کو یتیم نہیں کر سکتے، سپریم کورٹ
