اسلام آباد (پاک ترک نیوز )وفاقی وزیر پٹرولیم علی پرویز ملک نے چند روز میں پیٹرولیم مصنوعات کی قیمتوں میں بہتری کا عندیہ دے دیا ۔
اسلام آباد میں میڈیا سے گفتگو کرتے ہوئے وزیر پیٹرولیم علی پرویز ملک نے کہا کہ باب المندب میں پھنسے جہاز نکل آئے ہیں۔ قیمتوں میں چند دنوں سے جاری اضافہ بہتری کی طرف جانا شروع ہوگا۔
انھوں نے کہا کہ اوگرا کو فارمولے کے تحت قیمتوں کا تعین کرنا ہے۔ ٹینکرز مالکان کے مسائل کے حل کیلئے کمیٹی بنا دی ہے۔
یہ بھی پڑھیں: لیوی بھتہ اور جگا ٹیکس ہے ،پٹرول سستا کرو،حافظ نعیم الرحمان
وزیرپٹرولیم نے کہا آئل ٹینکرز کے کرائے اور کوٹے سے متعلق مسئلے پر بھی کمیٹی تشکیل کی گئی ہے۔
