دبئی ( پاک ترک نیوز) آئی سی سی ٹی ٹوئنٹی بیٹرز رینکنگ میں بھارت کے ایشان کشن کی پہلی اور ابھیشک شرما کی دوسری پوزیشن برقرار ہے۔
پاکستان کے صاحبزادہ فرحان کا تیسرا نمبر ہے ،انگلینڈ کے جیکب بیتھل 7 درجہ بہتری کے بعد 8 ویں نمبر پر آگئے۔
ٹی ٹوئنٹی باؤلرز رینکنگ میں افغانستان کے راشد خان کی پہلی اور پاکستان کے ابرار احمد کی دوسری پوزیشن برقرار ہے۔
یہ بھی پڑھیں: آئی سی سی رینکنگ میں کس کھلاڑی کا کون سا نمبر
انگلینڈ کے عادل رشید ایک درجہ بہتری کے بعد تیسرے نمبر پر آگئے۔بھارت کے ورن چکرورتی 2 درجہ تنزلی کے بعد پانچویں نمبر پر چلے گئے
ٹی ٹوئنٹی آل راؤنڈرز رینکنگ میں زمبابوے کے سکندر رضا کی پہلی پوزیشن برقرارہے ،پاکستان کے صائم ایوب ایک درجہ بہتری کے بعد دوسرے نمبر پر آگئے ۔بھارت کے ہاردک پانڈیا ایک درجہ تنزلی کے بعد تیسرے نمبر پر چلے گئے۔انگلینڈ کے ول جیکس 6 درجہ بہتری کے بعد ساتویں نمبر پر آگئے
