پٹرول کی قیمتوں میں اضافے کیخلاف جماعت اسلامی آج اسلام آباد میں احتجاج کرےگی

اسلام آباد ( پاک ترک نیوز) پٹرولیم مصنوعات کی قیمتوں میں اضافے کیخلاف جماعت اسلامی آج اسلام آباد میں احتجاج کرے گی ۔
امیر جماعت اسلامی حافظ نعیم الرحمان مظاہرے کی قیادت کریں گے ،حافظ نعیم الرحمان کا کہناہے موجودہ حالات میں بھی پٹرول کی ایکس ریفائنری قیمت 271 روپے بنتی ہے،پٹرول 415 روپے لٹر کرنا سراسر ناانصافی ہے۔
حافظ نعیم نے مزید کہا کہ 117 روپے پٹرولیم لیوی عوام پر بوجھ ہے، اسے فوری ختم کیا جائے، حکومت نے پٹرول کو عوام کی جیبیں کاٹنے اور آئی ایم ایف کے اہداف پورے کرنے کا ذریعہ بنا لیا،لیوی کا پٹرول کی قیمت سے کوئی تعلق نہیں، حکومت محض عوام کو دھوکا دے رہی ہے، مطالبات پورے نہ ہوئے تو ملک گیر تحریک چلے گی۔