ایران مذاکرات کیلئے تیار،سرنڈر نہیں کرینگے ،ایرانی صدر

تہران (پاک ترک نیوز ) ایران کے صدر مسعود پزشکیان کا کہنا ہےایران جنگ نہیں چاہتا، مذاکرات کے لیے ہمیشہ تیار ہے۔دشمن کی مرضی مسلط کرنے یاسرینڈر پرمجبور کرنےکی کوئی بھی کوشش ناکام ہوگی۔ ادھر ایران نے امریکا کی جانب سے آبنائے ہرمز بلاک کرنے کے جواب میں متبادل بندرگاہیں استعمال کرنے کا اعلان کر دیا۔ ایران امریکی پابندیاں بائے پاس کرنے کے لیے جنوبی ایران میں متبادل بندرگاہیں استعمال کرے گا ۔امریکی ناکہ بندی کے باوجود 24 گھنٹوں میں 20 سے زائد تجارتی جہاز آبنائے ہرمز سے گزر چکے ہیں۔اس سے پہلے امریکی سینٹرل کمانڈ نے دعویٰ کیا تھا کہ ہرمز کی بندش کے پہلے 24 گھنٹوں میں 6 بحری جہازوں کو واپس لوٹایا گیا اور ایک بھی ایرانی جہاز ہرمز سے نہيں گزر سکا۔سینٹ کام کے مطابق آبنائے ہرمز کی بندش کے لیے 10 ہزار سے زائد سیلرز، میرینز اور ایئرمین ڈیوٹی پر تعینات ہیں اور ہرمز کی بندش ایرانی پورٹ کی طرف آنے جانے والے تمام بحری جہازوں کے لیے ہے۔