قومی ٹیم ٹی 20 ورلڈ کپ میں بھیجنے کا فیصلہ حکومت کرے گی،چیئرمین پی سی بی

لاہور(پاک ترک نیوز ) چیئرمین پاکستان کرکٹ بورڈ محسن نقوی کا کہنا ہے قومی ٹیم کو ٹی 20 ورلڈ کپ میں بھیجنے کا فیصلہ حکومت کرے گی۔
لاہور میں میڈیا سے گفتگو کرتے ہوئے محسن نقوی کا کہنا تھا کہ ہمارا مؤقف وہی ہو گا جو حکومت کا ہوگا۔
چیئرمین پی سی بی نے کہا کہ قومی ٹیم کو ٹی 20 ورلڈ کپ میں بھیجنے کا فیصلہ حکومت کرے گی، وزیراعظم شہبازشریف کی وطن واپسی کا انتظار ہے، ہم آئی سی سی کے نہیں اپنی حکومت کے تابع ہے۔
ان کا کہنا تھا کہ کوئی ایک ملک کسی کو ڈکٹیٹ نہیں کر سکتا، آئی سی سی اجلاس میں کہا تھا کہ دہرا معیار نہیں ہونا چاہیے، حکومتی فیصلے کے ہم پابند ہیں، حکومت کہتی ہے نہیں کھیلنا تو وہ پھر 22 ویں ٹیم لے آئیں۔
انہوں نے کہا کہ ہمارے پاس پلان اے، بی اور سی ہیں، کوئی ایک ملک کسی کو ڈکٹیٹ نہیں کر سکتا، آئی سی سی اجلاس میں کہا تھا دہرا معیار نہیں ہونا چاہیے، بنگلادیش کی صورتِ حال پاکستان اور بھارت جیسی ہی ہے۔
محسن نقوی کا کہنا تھا کہ اگر پاکستان اور بھارت کو ہائبرڈ ماڈل کی اجازت ہے تو بنگلادیش کو کیوں نہیں؟ بنگلادیش کو ہر صورت ورلڈ کپ میں کھلانا چاہیے۔
چیئرمین پی سی بی نے مزید کہا کہ پاکستانی کھلاڑیوں سے فراڈ ہوا ہے، رابطہ کریں گے تو مسئلہ حل کریں گے۔