آر اے شمشاد
پاکستان کرکٹ ٹیم کے مایہ ناز بلے باز بابر اعظم ویرات کوہلی کے منفی ریکارڈ میں ساجھے دار بن گئے ۔
قومی بیٹر بابر اعظم گزشتہ روز 29رنز بنا کر پویلین لوٹ گئے ۔ بابر اعظم کو تھری فگر اننگز کھیلی ہوئے 83اننگز گزر چکی ہیں ۔ویرات کوہلی نے بھی 2023میں 83اننگز کے بعد سنچری سکور کی تھی ۔
پاکستان کے اسٹار بیٹر بابر اعظم نے بھارت کے ویرات کوہلی کا ریکارڈ برابر کردیا۔
اس فہرست میں سری لنکا ٹیم کے سابق کپتان اور موجودہ ہیڈ کوچ سنتھ جے سوریا اس فہرست میں پہلے نمبر پر ہیں انہیں سنچری کیلئے 88اننگز تک انتظار کرنا پڑا تھا جبکہ ویسٹ انڈیز کے شیونارائن چندرپال نے 78اننگز تک انتظار کیا تھا ۔
قومی بلے باز بابر اعظم نے آخری انٹرنیشنل سنچری 2023 کے ایشیا کپ میں نیپال کیخلاف بنائی تھی۔
یاد رہے کہ بابر اعظم نے ایک روزہ انٹرنیشنل میچز میں پاکستان کی جانب سے 19سنچریاں سکور کی ہیں اوروہ محض ایک سنچری کرنے کے بعد سعید انور کا پاکستان کی جانب سے سب سے زیادہ سنچریوں کا ریکارڈ برابر کر سکتے ہیں ۔ دوسری جانب پاکستان کی جانب سے انٹرنیشنل میچز میں تمام فارمیٹ میں زیادہ سچریاں کا ریکار ڈ توڑن کا بھی بابر اعظم کے پاس موقع ہے کہ وہ سعید انور سے آگے نکل جائیں کیونکہ سعید انور نے 31سنچریاں کر رکھی ہیں جبکہ بابر اعظم نے بھی 31تھری فگر اننگز کھیلی ہیں۔
