اسلام آباد ( پاک ترک نیوز) وزیراعظم شہباز شریف بعض وزراء کی کارکردگی سے ناخوش، کابینہ میں نئے چہرے شامل کرنے اور اچھی کارکردگی دکھانے والے وزرائے مملکت کو وفاقی وزیر بنانے پر غور۔ذرائع کے مطابق وزیراعظم شہباز شریف نے وفاقی کابینہ میں ردوبدل کا اصولی فیصلہ کرلیا ہے۔ وزراء کی کارکردگی سے متعلق رپورٹس موصول ہونے کے بعد وزیراعظم نے تبدیلیوں کے حوالے سے مشاورت بھی مکمل کرلی ہے۔
ذرائع کا کہنا ہے کہ وزیراعظم اس معاملے پر مسلم لیگ ن کے صدر میاں نواز شریف کو بھی اعتماد میں لے چکے ہیں۔کابینہ میں بعض نئے چہرے شامل کیے جانے کا امکان ہے، جبکہ بہترین کارکردگی دکھانے والے وزرائے مملکت کو وفاقی وزیر کا منصب دیے جانے پر بھی غور کیا جا رہا ہے۔
یہ بھی پڑھیں: سموگ کے باعث اسکول بند نہیں ہوں گے، وزیر تعلیم پنجاب کا اعلان
ذرائع کے مطابق جن وزراء نے مقررہ وقت میں اپنے اہداف حاصل نہیں کیے، ان کے عہدوں پر برقرار رہنے کا امکان کم ہے۔تاہم کابینہ میں ردوبدل کے باوجود اتحادی جماعتوں کا کوٹہ برقرار رکھنے کا فیصلہ کیا گیا ہے۔
