انقرہ ( پاک ترک نیوز) غیر قانونی افغان مہاجرین کے خلاف میزبان ممالک کا شکنجہ مزید سخت ہونے لگا، ترکیہ میں افغان شہریوں اور انسانی اسمگلنگ میں ملوث عناصر کے خلاف گرفتاریوں کی نئی لہر شروع ہوگئی۔افغان نشریاتی ادارے خاما پریس کے مطابق ترکیہ کے سرحدی صوبے حقاری میں سیکیورٹی حکام نے کارروائی کرتے ہوئے 63 افغان شہریوں سمیت انسانی اسمگلنگ میں ملوث ایک سہولت کار کو گرفتار کرلیا۔
رپورٹ کے مطابق گرفتار افغان شہریوں کو مزید قانونی اور انتظامی کارروائی کے لیے ہمسایہ صوبے آغری منتقل کیا جائے گا۔ترکیہ کی مائیگریشن ایجنسی کے اعداد و شمار کے مطابق جنوری سے اکتوبر 2026 کے دوران ملک میں 33 ہزار 341 غیر قانونی افغان شہری گرفتار کیے جاچکے ہیں، جبکہ گرفتار کیے جانے والے غیر دستاویزی تارکین وطن میں افغان شہریوں کی تعداد سب سے زیادہ ہے۔
یہ بھی پڑھیں: حکومت اور جماعت اسلامی کے مذاکرات کا آج فائنل راؤنڈ ہوگا، لیاقت بلوچ
دوسری جانب اقوام متحدہ کے مطابق ترکیہ نے 2026 کے پہلے پانچ ماہ کے دوران 13 ہزار سے زائد افغان شہریوں کو ملک بدر کیا۔
