راولپنڈی ( پاک ترک نیوز) سکیورٹی فورسز نے بلوچستان کے مختلف علاقوں میں دہشت گردوں کے خلاف کارروائیاں کرتے ہوئے دہشت گردی کی بڑی کوششیں ناکام بنا دیں۔سکیورٹی ذرائع کے مطابق ضلع کچھی میں دہشت گردوں کی ناکہ بندی کی کوشش ناکام بنادی گئی، اس دوران سکیورٹی فورسز کی کارروائی میں 10 دہشت گرد مارے گئے۔
دوسری جانب خاران میں دہشت گردوں کے ٹھکانوں کو نشانہ بنایا گیا، جہاں فائرنگ کے تبادلے میں مزید 7 دہشت گرد ہلاک ہوگئے۔ کارروائیوں کے دوران بڑی تعداد میں اسلحہ اور گولہ بارود بھی برآمد کیا گیا۔تاہم خاران میں جھڑپ کے دوران پاک فوج کے سپاہی حکمت اللہ نے جامِ شہادت نوش کیا۔ شہید سپاہی کا تعلق ضلع کرک سے تھا۔شہید سپاہی حکمت اللہ کی نمازِ جنازہ میں آئی جی ایف سی بلوچستان نارتھ سمیت اعلیٰ سول اور عسکری قیادت نے شرکت کی۔
یہ بھی پڑھیں: امریکی وسط مدتی انتخابات میں ڈیموکریٹس کو برتری حاصل
سکیورٹی فورسز نے دہشت گردی کے مکمل خاتمے تک کارروائیاں جاری رکھنے کے عزم کا اظہار کیا ہے۔
