فیصل آباد ( پاک ترک نیوز) فیصل آباد میں آٹے کی قلت کا خدشہ بڑھ گیا، فلور ملز مالکان نے کل سے غیرمعینہ مدت تک ہڑتال کا اعلان کر دیا۔ دوسری جانب بلوچستان میں آٹے کی قیمتیں بھی بے قابو، دس کلو کا تھیلا 1800 روپے جبکہ 50 کلو کا تھیلا 7800 روپے تک پہنچ گیا۔فلور ملز مالکان کے مطابق حکومت گوداموں سے غیرمعیاری اور بدبودار گندم اٹھانے پر مجبور کر رہی ہے۔ محکمہ خوراک کو بارہا صورت حال سے آگاہ کیا گیا، لیکن متعلقہ مرکز تبدیل نہیں کیا گیا۔
یہ بھی پڑھیں: مریخ کے چاند سے زمین پر کیا آنے والا ہے؟
فلور ملز مالکان کا کہنا ہے کہ گندم کے معیار سے متعلق تحفظات دور نہ کیے گئے تو ہڑتال جاری رہے گی۔ ہڑتال کے باعث فیصل آباد میں آٹے کی فراہمی متاثر ہونے اور بحران سنگین ہونے کا خدشہ ہے۔ادھر بلوچستان میں آٹے کی بڑھتی قیمتوں نے شہریوں کی مشکلات میں اضافہ کر دیا ہے۔ دس کلو آٹے کا تھیلا 1800 روپے اور 50 کلو کا تھیلا 7800 روپے میں فروخت ہونے لگا ہے، جس سے گھریلو صارفین پر مہنگائی کا بوجھ مزید بڑھ گیا ہے۔
