اسلام آباد ( پاک ترک نیوز) سرکاری حج اسکیم کے تحت عازمین حج سے دوسری قسط کی وصولی آج سے شروع ہوگئی۔ترجمان وزارت مذہبی امور کے مطابق سرکاری اسکیم کے تحت منتخب عازمین حج دوسری قسط 20 اکتوبر تک جمع کراسکیں گے۔وزارت مذہبی امور نے واضح کیا ہے کہ دوسری قسط جمع کرانے سے قبل میڈیکل فٹنس سرٹیفکیٹ اپ لوڈ کرنا لازمی ہوگا۔ترجمان کے مطابق عازمین حج مقررہ مدت کے اندر دوسری قسط جمع کرانے کو یقینی بنائیں، بصورت دیگر حج درخواست منسوخ تصور کی جائے گی۔
یہ بھی پڑھیں: مکہ اور مدینہ کو نشانہ بنانے کی کوششوں کا جواب دینا ضروری ہے، سعودی اتحادی افواج کا انتباہ
وزارت مذہبی امور کے مطابق مقررہ تاریخ تک دوسری قسط جمع نہ کرانے کی صورت میں درخواست منسوخ کردی جائے گی اور درخواست گزار کی جانب سے پہلے جمع کرائے گئے واجبات اکاؤنٹ میں واپس کردیے جائیں گے۔وزارت مذہبی امور نے سرکاری حج اسکیم کے تحت منتخب عازمین کو ہدایت کی ہے کہ وہ مقررہ تاریخ کا خیال رکھتے ہوئے تمام ضروری تقاضے بروقت مکمل کریں۔
