اسلام آباد (پاک ترک نیوز )سرکاری حج سکیم کے تحت حج واجبات کی دوسری قسط کی وصولی جاری ہے، پہلے روز 14 ہزار 605 عازمینِ حج نے دوسری قسط کی ادائیگی مکمل کرلی۔
ترجمان وزارتِ مذہبی امور کے مطابق 10 ہزار عازمین نے ون لنک کے ذریعے گھر بیٹھے دوسری قسط جمع کرائی، جبکہ 899 افراد نے بینک کارڈ اور 3 ہزار 612 عازمین نے دستی بینک چالان کے ذریعے ادائیگی کی۔ترجمان کے مطابق ڈیجیٹل حج پورٹل کے ذریعے گھر بیٹھے آن لائن ادائیگی کا تناسب 75 فیصد سے تجاوز کرگیا ہے، جبکہ دوسری قسط کی مد میں مجموعی طور پر 9 ارب 30 کروڑ روپے موصول ہوچکے ہیں۔
یہ بھی پڑھیں: وزیراعظم کی پی ٹی آئی کومارچ اوردھرنا ختم کرنے کی صورت میں مذاکرات کی پیشکش
سرکاری حج سکیم کے تحت دوسری قسط جمع کرانے کی حتمی تاریخ 20 اکتوبر مقرر کی گئی ہے۔ عازمین کے لیے دوسری قسط کی ادائیگی سے قبل حج پورٹل پر طبی صحت کا سرٹیفکیٹ اپ لوڈ کرنا بھی لازم قرار دیا گیا ہے۔
