ملکی معیشت کی بہتری میں بیرون ملک مقیم پاکستانیوں کا اہم کردارہے: وزیراعظم

لندن (پاک ترک نیوز ) وزیراعظم شہبازشریف نے کہا ہے کہ ملکی معیشت کی بہتری میں بیرون ملک مقیم پاکستانیوں کا اہم کردارہے۔
تفصیلات کے مطابق نائب وزیراعظم اسحاق ڈار کے ہمراہ برطانیہ میں مقیم تارکینِ وطن سے گفتگو کرتے ہوئے شہباز شریف کا کہنا تھا کہ اوورسیزپاکستانی ہمارا قیمتی سرمایہ ہیں جو ملک کا نام روشن کر رہے ہیں۔
وزیراعظم نے کہا کہ ملکی معیشت درست سمت میں گامزن ہے، ملکی معیشت کی بہتری میں بیرون ملک مقیم پاکستانیوں کا اہم کردارہے،مشترکہ کاوشوں سےملک کومعاشی استحکام ملا۔
شہباز شریف کا کہنا تھا کہ معاشی استحکام بہترین ٹیم ورک کا نیتجہ ہے جب کہ عسکری،معاشی اورسفارتی محاذ پرپاکستان کوبڑی کامیابیاں ملی ہیں،حالیہ جنگ میں پاکستان نےدشمن کوشکست فاش دی۔
وزیراعظم نے کہا کہ اقوام متحدہ کےاجلاس میں پاکستان کا مقدمہ بہترین اندازمیں پیش کیا،غزہ اورکشمیرکےمقدمےکودنیا کےسامنےبہترین اندازمیں اُجاگر کیا،غزہ میں64ہزارفلسطینی شہریوں کوشہید کردیا گیا،غزہ میں ظلم کا خاتمہ اور جلد امن قائم ہونا چاہیے۔
اُن کا مزید کہنا تھا کہ پاکستان،امریکا کےتعلقات میں بہتری آئی ہے، آنے والے وقتوں میں مزید بہتر ہوں گے۔
نائب وزیراعظم اسحاق ڈار نے کہا کہ غزہ کےحوالےسےصدرٹرمپ کےساتھ مسلم ملکوں کےرہنماؤں کی اہم ملاقات ہوئی، امید کرتےہیں اس ملاقات کا مثبت نتیجہ نکلے گا۔
انہوں نے کہا کہ اقوام متحدہ کےتمام فورمز پر بہترین انداز میں پاکستان کا مقدمہ پیش کیا۔