اسلام آباد ( پاک ترک نیوز) سانحہ پمز کی تحقیقات میں بڑی پیش رفت سامنے آئی ہے، انکوائری رپورٹ کی سفارشات پر عملدرآمد کے لیے وزارت صحت میں ابتدائی کارروائی جاری ہے۔
ذرائع کے مطابق ایگزیکٹو ڈائریکٹر پمز ڈاکٹر عمران سکندر کو عہدہ چھوڑنے کی ہدایت کی گئی ہے۔ ڈاکٹر عمران سکندر اپنا سامان اور اہم فائلیں لے کر دفتر سے روانہ ہوگئے، جبکہ روانگی سے قبل انہوں نے قریبی افسران اور اسٹاف سے ملاقات بھی کی۔ذرائع کا کہنا ہے کہ ایگزیکٹو ڈائریکٹر سمیت کئی ملازمین کو چارج شیٹ کیے جانے کا امکان ہے۔
یہ بھی پڑھیں: سانحہ پمز کی عبوری تحقیقاتی رپورٹ وزیراعظم کو پیش، ذمہ داروں کے خلاف کارروائی کی سفارش
انکوائری رپورٹ کی سفارشات کے تحت ڈائریکٹر زچہ و بچہ سینٹر کے خلاف بھی کارروائی متوقع ہے، جبکہ سینٹر میں تعینات دونوں ڈاکٹرز کے خلاف بھی ایکشن لیے جانے کا امکان ہے۔ذرائع کے مطابق زچہ و بچہ سینٹر میں تعینات نرسز کے خلاف بھی کارروائی کی جائے گی۔
