آر اے شمشاد
روایتی حریفوں پاکستان اور بھارت کے درمیان میچ کا انتظار کرکٹ شائقین کو شدت سے رہتا ہے اور میچ ہو اگر فائنل وہ بھی ایشیا کی حکمرانی کا تو اس جوش و خروش میں مزید اضافہ ہوجاتا ہے ۔
ایشیا کپ 2025فائنل میں روایتی حریفوں پاکستان اور بھارت کی ٹیمیں ایک بار پھر کل مد مقابل آئیں گی ۔ ایشیا کپ 2025میں اس سے قبل دونوں ٹیمیں اس سے قبل دوبار آمنے سامنے آ چکی ہیں تاہم دونوں بار جیت انڈیا کے نام رہی ہے ۔
https://www.youtube.com/watch?v=JZfz6PKZS2Y
گروپ اے میں بھارت نے ایشیا کپ کے پہلے مرحلے میں ناقابل شکست رہتے ہوئے پوائنٹس ٹیبل پر پہلی پوزیشن حاصل کی تھی ۔ پاکستان نے پہلے مرحلے میں عمان اور یو اے ای کو شکست سے دوچار کیا تھا تاہم انڈیا کیخلاف میچ میں شکست کا سامنا کرنا پڑا تھا ۔ گروپ اے میں دونوں ٹیموں نے سپر فور کیلئے کوالیفائی کیا تھا جبکہ گروپ بی سے سری لنکا اور بنگلہ دیش نے سپر فور میں جگہ بنائی تھی ۔
سپر فور میں بھارت اب تک ناقابل شکست رہی ہے جبکہ پاکستان کو سپر فور میں روایتی حریف بھارت سے شکست کا سامنا کرنا پڑا تھا اور شاہینوں نے سری لنکا اور بنگلہ دیش کو شکست دے کر فائنل میں جگہ بنائی ہے ۔
https://www.youtube.com/shorts/vWiUONXKA5c
ایشیا کپ کا یہ 17واں ایڈیشن ہے تاہم دونوں روایتی حریف اس سے قبل کبھی بھی فائنل معرکے میں ایک دوسرے سے آمنے سامنے نہیں آئے گا ۔یہ روایتی حریفوں کے درمیان ایشیا کپ کا پہلا فائنل ہے ۔
واضح رہے کہ ایشیا کپ کا سب سے زیادہ ٹائٹل بھارت نے 8بار جیتا ہے جبکہ سری لنکا یہ ٹورنامنٹ 6بار جیت چکا ہے اور پاکستان نے ٹرافی 2بار اپنے نام کی ہے ۔دلچسپ امر یہ بھی ہےکہ پاکستان ، سری لنکا اور بھارت کے درمیان کوئی بھی ٹیم ابھی تک یہ ٹرافی اٹھانے میں ناکام رہی ہے ۔
