لاہور( پاک ترک نیوز) لاہور میں معروف اداکارہ میرا کی جانب سے ملازمہ کو مبینہ طور پر تشدد کا نشانہ بنایا گیا۔، واقعے کی سی سی ٹی وی ویڈیو بھی منظر عام پر آگئی۔
ذرائع کے مطابق واقعہ لاہور کے ڈی ایچ اے فیز 5 میں پیش آیا۔ ویڈیو میں مبینہ طور پر اداکارہ میرا کو گھر کے مرکزی گیٹ پر ملازمہ کو دھکے دیتے اور تھپڑ مارتے ہوئے دیکھا جاسکتا ہے۔
ملازمہ نے مبینہ تشدد کے خلاف متعلقہ تھانے میں درخواست بھی دے دی ہے۔
یہ بھی پڑھیں: ٹیکسلا میں ٹک ٹاکر عائشہ کی ٹارگٹ کلنگ، 3 مشتبہ افراد زیر حراست
واقعے سے متعلق مزید قانونی کارروائی اور پولیس کی جانب سے تحقیقات کا عمل جاری ہے۔
