اسلام آباد ( پاک ترک نیوز) پاکستان میں تعینات روسی سفیر البرٹ خوریف نے نائب وزیراعظم و وزیر خارجہ محمد اسحاق ڈار سے ملاقات کی، جس میں پاکستان روس دوطرفہ تعلقات اور علاقائی صورتحال پر تبادلہ خیال کیا گیا۔
محمد اسحاق ڈار نے دونوں ممالک کے درمیان دوطرفہ تعلقات میں ہونے والی مثبت پیش رفت کو سراہا اور پاکستان روس تعلقات کو مزید مستحکم بنانے کے لیے اہم شعبوں میں مسلسل تعاون کی ضرورت پر زور دیا۔
نائب وزیراعظم نے اعلیٰ سطحی رابطوں کے تسلسل کی اہمیت بھی اجاگر کی۔ ملاقات میں خطے کی مجموعی صورتحال اور علاقائی امن و استحکام سے متعلق امور پر بھی گفتگو ہوئی۔
یہ بھی پڑھیں: ایران کو ایٹمی صلاحیت سے روکنے کے لیے امریکا نے روسی ساختہ 21 جنگی طیارے خرید لیے
اسحاق ڈار نے پاکستان کے مستقل مؤقف کا اعادہ کرتے ہوئے کہا کہ اختلافات کے حل اور علاقائی امن و استحکام کے فروغ کے لیے بات چیت اور سفارت کاری ہی آگے بڑھنے کا واحد راستہ ہے۔
