لندن(پاک ترک نیوز ) قومی کرکٹ ٹیم کے سابق کپتان بابر اعظم انگلینڈ کی سلیکٹ الیون کے خلاف میچ میں انجری کا شکار ہوگئے۔
ذرائع کے مطابق بابر اعظم کی انجری سنجیدہ نوعیت کی نہیں ہے، تاہم قومی ٹیم کی میڈیکل ٹیم ان کی انجری کا معائنہ کر رہی ہے۔
ذرائع کا کہنا ہے کہ انگلینڈ کی سلیکٹ الیون کے خلاف بیٹنگ کے دوران فاسٹ بولر لمسڈن کی گیند بابر اعظم کے دائیں ہاتھ کی انگلی پر لگی، جس کے باعث انہیں بیٹنگ چھوڑ کر واپس جانا پڑا۔
میڈیکل ٹیم بابر اعظم کی انجری کا جائزہ لے رہی ہے اور مزید صورتحال معائنے کے بعد واضح ہوگی۔
