لاہور( پاک ترک نیوز) پنجاب ٹریفک پولیس کی وردی ایک بار پھر تبدیل کرنے کا فیصلہ کرلیا گیا، ٹریفک وارڈنز اب گرے یونیفارم کے بجائے سفید شرٹ اور نیوی بلیو پینٹ پہنیں گے۔
پولیس ذرائع کے مطابق نئی وردی مرحلہ وار لاہور سمیت پورے پنجاب کی ٹریفک پولیس کو فراہم کی جائے گی۔
ذرائع کا کہنا ہے کہ رواں مالی سال کے دوران ٹریفک پولیس کے لیے نیا یونیفارم خریدا جائے گا، جبکہ پہلے مرحلے میں لاہور اور دوسرے مرحلے میں پنجاب بھر کی ٹریفک پولیس کو نئی وردی پر منتقل کیا جائے گا۔
پولیس حکام کے مطابق گزشتہ سال بھی لاہور ٹریفک پولیس کی یونیفارم تبدیل کرکے نئی وردی فراہم کی گئی تھی۔
پولیس ذرائع کے مطابق سابق سی ٹی او لاہور اطہر وحید نے ٹریفک پولیس اہلکاروں کو یونیفارم کی خریداری کے لیے فی کس 5 ہزار روپے فراہم کیے تھے۔
ذرائع کا کہنا ہے کہ ٹریفک پولیس کی وردی تبدیل کرنے کی منظوری گزشتہ سال ہی دی گئی تھی۔
آئی جی پنجاب عبدالکریم نے 12 ہزار نئی یونیفارمز کی خریداری کی منظوری دے دی ہے۔
یہ بھی پڑھیں: پنجاب میں ٹریفک پولیس کی وردی ایک بار پھر تبدیل کرنے کا فیصلہ
پولیس ذرائع کے مطابق رواں ہفتے ٹریفک پولیس سمیت پنجاب پولیس کے دیگر یونٹس کے لیے یونیفارم کی خریداری کا پری کوالیفکیشن عمل شروع کیے جانے کا امکان ہے۔
یوں پنجاب ٹریفک پولیس کے اہلکار اب گرے وردی کے بجائے سفید شرٹ اور نیوی بلیو پینٹ میں فرائض انجام دیتے نظر آئیں گے۔
