اسلام آباد(پاک ترک نیوز) ملک بھر میں انٹرنیٹ کی رفتار تاحال سست ہے۔ صارفین کو اپ لوڈنگ اور ڈاؤنلوڈنگ میں مشکلات کا سامان کرنا پڑ رہا ہے۔
تفصیلات کےمطابق ملک بھر میں انٹرنیٹ کی رفتار سست ہونے سے صارفین کو مشکلات کا سامنا کرنا پڑ رہا ہے۔ انٹرنیٹ کی رفتار سست ہونے کی وجہ سے ویڈیوز اور میسجز بھیجنے کی شکایات ہیں جبکہ دیر سے مسجز موصول ہو رہے ہیں۔ جس کی وجہ سے کاروبار اور آن لائن کلاسز بھی متاثر ہو رہی ہیں۔
انٹرنیٹ کی کم رفتار سعودی عرب کے قریب زیر سمندر انٹرنیٹ کیبلز میں خرابی کی وجہ سے ہوئی تھی جو تاحال درست نہ ہوسکی۔ جس کی وجہ سے صارفین کو شدید مشکلات کا سامنا کرنا پڑ رہا ہے۔
پی ٹی سی ایل نے تصدیق کی کہ انٹرنیٹ کی کم رفتار زیرسمندر کیبلز کی خرابی کی وجہ سے ہی ہے۔ جس کی وجہ سے ملک بھر میں انٹرنیٹ سروس جزوی طور پر متاثر ہے۔ شام کے اوقات میں انٹرنیٹ سروس زیادہ متاثر ہوتی ہے۔ تاہم انٹرنیٹ کی رفتار بہتر کرنے کے اقدامات کیے جا رہے ہیں۔
پی ٹی سی ایل کی جانب سے انٹرنیٹ کی رفتار بہتر ہونے کا کوئی وقت نہیں دیا گیا۔ تاہم کہا گیا ہے کہ جلد از جلد اس فالٹ کو دور کرنے کی کوشش کی جا رہی ہے۔ فالٹ مکمل دور ہونے تک سروس متاثر رہے گی۔
پی ٹی سی ایل حکام کا کہنا ہے کہ زیرسمندر کیبل کی مرمت کے لیے خصوصی جہازوں اور سازگار موسمی حالات کی ضرورت ہوتی ہے جس کی وجہ سے مرمت میں ہفتے بھی لگ سکتے ہیں۔
پاکستان بھر میں انٹرنیٹ کی رفتار انتہائی سست، صارفین کو مشکلات کا سامنا
