کراچی ( پاک ترک نیوز) سندھ کے سینئر وزیر شرجیل انعام میمن کا کہناہے ن لیگ دھاندلی کے ذریعے اقتدار میں آئی ، ۔ ن لیگ اب آزاد کشمیر میں بھی دھاندلی کے ذریعے اقتدار میں آنا چاہتی ہے، آزاد کشمیر کے ایک حلقے میں ایک سو دس فیصد ووٹ پڑے ۔
سندھ کے سینئر وزیر شرجیل انعام میمن نے نیوز کانفرنس کرتے ہوئے کہا ن لیگ نے خیراتی طور پر پنجاب میں حکومت بنائی۔۔ مریم نواز چور دروازے سے اقتدار میں آئیں۔ ن لیگ کو عوام کے ووٹ پر ڈاکہ نہیں ڈالنے دیں گے
شرجیل انعام میمن نے کہا خیراتی مینڈیٹ والوں کی سوچ ڈکٹیٹر والی ہے،کیا لوگ ایسے افراد کو ووٹ دیں گے جو ہر مشکل میں معاہدے کر کے بھاگ جائیں ،جو عوام کے ووٹ سے آتے ہیں ،وہ عوام کو جواب دہ ہوتے ہیں ۔
شرجیل انعام میمن نے کہا سندھ میں ن لیگ کو ایک بھی سیٹ نہیں ملی ،سندھ میں صوبائی حکومت کی سڑکیں دیکھیں ،تھرپارکر پراجیکٹ دیکھیں، نیشنل گریڈ کی بجلی پورے پاکستان کو مل رہی ہے،ای وی بسیں سب سے پہلے سندھ حکومت لائی ہے،سندھ کے ہر علاقہ میں خصوصی بچوں کے ہسپتال ہیں۔
شرجیل انعام میمن نے کہا آپ چند ووٹوں کے لیے سندھ کے شہروں کا تمسخر اڑاتے ہیں،جی بی میں ن لیگ کو کوئی پزیرائی نہیں ملی،جی بی میں بھی ہمیں ہماری پوری سیٹیں نہیں ملیں۔
یہ بھی پڑھیں: کشمیر کا فیصلہ کشمیری کریں گے ،کوئی اور صوبہ نہیں کر سکتا،بلاول بھٹو
شرجیل انعام میمن نے کہا تلخیوں کو بڑھانا ن لیگ کا وطیرہ ہے،پی پی پیچھے نہیں ہٹے گی،پی پی اپنے مینڈیٹ پر ڈاکہ ڈالنے نہیں دے گی
شرجیل میمن نے کہاپنجاب میں ایک آمرانہ سوچ پنپ رہی ہے، ایک صحافی نے ٹویٹ کیا اور اسے اٹھالیا گیا ،سندھ میں بارش کا پانی آجائے تو ٹرانسمشن چینلز پر چلتی ہیں ،پنجاب میں پانی کھڑا رہا مگر ایک ٹکر تک نہیں چل سکا کیونکہ یہاں آمرانہ سوچ کی وزیراعلی ہیں۔
