نئی دہلی (پاک ترک نیوز )بھارت میں نوجوانوں کی جماعت کاکروچ جنتا پارٹی نے حکومت سےکامیاب مذاکرات کے بعد احتجاج ختم کرنےکا اعلان کردیا۔
بھارتی وزیرِ تعلیم کے استعفے پر طلبا کا احتجاج جشن میں بدل گیا، طلبا مظاہرین نے ڈھول بجائے، بھنگڑے ڈالے، کاکروچ جنتا پارٹی نے وزیر تعلیم کے استعفے کو جمہوریت کی فتح قرار دیا اور کل مشعل بردار جلوس نکالنے کا اعلان بھی کیا، حکومت سے کامیاب مذاکرات کے بعد نوجوانوں کی تنظیم کاکروچ جنتا پارٹی نے احتجاج ختم کرنے کا اعلان کر دیا ۔
سی جے پی نے پیپر لیک کے اسکینڈل کے بعد بھارتی وزیر تعلیم کے استعفے، خودکشی کرنے والے طالب علموں کے خاندانوں کو معاوضہ دینے اور مظاہرین کے خلاف تشدد میں ملوث پولیس افسران کے خلاف کارروائی کا مطالبہ کیا تھا ، طلبا امتحانی نظام میں خرابیوں اور میڈیکل کالجوں میں داخلہ امتحان کےپرچے لیک ہونے پر نئی دلی کے علاقے جنتر منتر پر احتجاج کر رہے تھے۔
