پشاور (پاک ترک نیوز)پی ڈی ایم اے نے 11 اور 12 جولائی کو خیبرپختونخوا میں بارش، تیز ہواؤں اور گرج چمک کا الرٹ جاری کر دیا۔
پی ڈی ایم اے کے مطابق چترال، سوات، دیر، شانگلہ، مانسہرہ اور کوہستان میں موسلادھار بارش اور لینڈ سلائیڈنگ کا خدشہ ہے ،ملاکنڈ اور ہزارہ ڈویژن کے بعض علاقوں میں فلیش فلڈ کا امکان ہے۔
پی ڈی ایم اے کے مطابق پشاور، چارسدہ، نوشہرہ، مردان، صوابی اور ایبٹ آباد میں اربن فلڈنگ کا خدشہ ہے۔تیز ہواؤں اور آسمانی بجلی سے کمزور مکانات، بجلی کے کھمبوں اور فصلوں کو نقصان پہنچ سکتا ہے۔
پی ڈی ایم اے نے تمام متعلقہ اداروں کو پیشگی حفاظتی اقدامات مکمل کرنے کی ہدایت جاری کر دی۔ ریسکیو ٹیمیں، بھاری مشینری اور ایمرجنسی سروسز کو مکمل الرٹ رکھنے کی ہدایت کی گئی ہے۔
پی ڈی ایم اے نے کہا سیاح غیر ضروری سفر سے گریز کریں، دریاؤں، ندی نالوں اور پہاڑی علاقوں میں احتیاط برتیں۔عوام بارش کے دوران کمزور ڈھانچوں، بجلی کے کھلے تاروں اور برساتی نالوں سے دور رہیں۔کاشتکار فصلوں اور مویشی پال حضرات اپنے جانوروں کی حفاظت کے لیے پیشگی اقدامات کریں۔
