لاہور( پاک ترک نیوز) وزیراعلیٰ پنجاب مریم نواز کا کہناہے معرکہ حق میں کامیابی پاکستان کے ماتھے کا جھومر ہے،معرکہ حق میں کامیابی نے پاکستان کو دنیا میں منفرد مقام دلایا۔ ایران امریکا ثالثی سے دنیا میں پاکستان کی پذیرائی ہوئی ، وزیراعظم ،نائب وزیراعظم ،فیلڈمارشل کو کریڈٹ جاتا ہے ۔
وزیراعلیٰ پنجاب مریم نواز نے پیغام امن کمیٹی کے ارکان سے خطاب میں کہا،ہمیں دو طرح کے دشمنوں کا سامنا ہے، ،دہشت گرد معاشرے کو عدم استحکام کا شکار کرنے کے درپے ہے،معاشرے میں موجود تخریب کار عناصر کا خاتمہ ہماری اولین ترجیح ہونی چاہیئے ۔علماء کرام معاشرے میں پنپنے والے جرائم کی بیخ کنی کے لیےکردار ادا کریں۔
وزیراعلیٰ پنجاب نے کہا بین المذاہب ہم آہنگی میں پیغام امن کمیٹی کا کردار قابل تعریف ہے،قومی پیغام کمیٹی ملک بھر میں امن کے لیے کردار ادا کر رہی ہے، پنجاب میں اقلیتوں کومکمل تحفظ حاصل ہے
یہ بھی پڑھیں: وزیراعلیٰ مریم نواز کی کاہنہ میں جاں بحق بچوں کے لواحقین سے ملاقات ،امدادی چیک تقسیم
وزیراعلیٰ پنجاب نے کہا پنجاب میں تمام ادارے محنت اور دلجمعی سے کام کررہے ہیں،قیام امن کیلئے صوبائی کابینہ ،آئی جی پنجاب ،ضلعی انتظامیہ بھرپورمحنت کررہے ہیں، اداروں نے مکمل فرض شناسی سے کام کیا ۔
وزیراعلیٰ پنجاب نے کہا آنے والی نسلوں کی بہتر تربیت کیلئے ہر اقدام کرنے کو تیار ہوں۔ والدین اپنے بچوں کا خیال رکھیں،اگر آپ اپنے گھروں میں محفوظ نہیں تو میں ناکام ہوں۔
مریم نواز نے کہا سرگودھا میں ایک بچی جو گھر سے چیزلینے نکلی اس کا گلاکاٹ دیاگیا،خون کا ایک دھبہ جو قاتل کے جوتے پر لگا تھا اس سے وہ پکڑاگیا، کاہنہ میں غفلت تو ہوئی لیکن والدین بچوں کو رجسٹرڈ سنٹرزمیں بھیجیں۔
