لاہور( پاک ترک نیوز) واٹس ایپ گروپ کا ممبر ہونا جرم نہیں، واٹس ایپ گروپ ایڈمن ہونا بھی فوجداری ذمہ داری نہیں بنتا۔ غیر قانونی مواد شیئر کرنے والا شخص خود ذمہ دار ہوگا،۔لاہور ہائی کورٹ نے فیصلہ دے دیا۔
لاہور ہائی کورٹ نے واٹس ایپ پر توہین آمیز مواد پھیلانے کے ملزم سید عبدالمنان کی بعد از گرفتاری ضمانت مسترد کر دی ،عدالتی فیصلے میں کہا گیا صرف گروپ میں موجودگی یا خاموش رہنا جرم ثابت کرنے کے لیے کافی نہیں،واٹس ایپ پر مواد اپ لوڈ، فارورڈ یا شیئر کرنے والے کے خلاف کارروائی ہوگی۔
یہ بھی پڑھیں: واٹس ایپ کا نیا فیچر،اب کسی کو نمبر دینے کی ضرورت نہیں
عدالت نے ٹیکنیکل اینالیسز رپورٹ کو بادی النظر میں قابلِ اعتماد قرار دے دیا۔جسٹس طارق سلیم شیخ نے ضمانت کی درخواست مسترد کرتے ہوئے ٹرائل جلد مکمل کرنے کا حکم دے دیا۔
