اسلام آباد (پاک ترک نیوز )اسلام آباد (پاک ترک نیوز )فیسکو اور گیپکو کی نجکاری کے لیے اظہارِ دلچسپی جمع کرانے کی آخری تاریخ میں توسیع کر دی گئی
فیسکو کے لیے اظہارِ دلچسپی جمع کرانے کی نئی آخری تاریخ 7 اگست 2026 مقرر کی گئی ہے۔
گیپکو کے لیے اظہارِ دلچسپی جمع کرانے کی نئی آخری تاریخ 21 اگست 2026 مقرر کی گئی
آئیسکو کے لیے اظہارِ دلچسپی جمع کرانے کی آخری تاریخ میں کوئی تبدیلی نہیں، 7 ستمبر 2026 برقرار ہے
نجکاری کمیشن کے مطابق فیسکو، گیپکو اور آئیسکو حکومت کے پہلے مرحلے کے ڈسکوز نجکاری پروگرام کا حصہ ہیں،ڈسکوز میں 51 سے 100 فیصد شیئرز اور مینجمنٹ کنٹرول سرمایہ کاروں کو دینے کی پیشکش پلان کا حصہ ہے
یہ بھی پڑھیں: خسارے کا شکار ریاستی ملکیتی اداروں کی نجکاری ہماری ترجیح ہے ،وزیراعظم
کمیشن کےمطابق نجکاری کے ذریعے بجلی تقسیم کار کمپنیوں کی کارکردگی بہتر بنانا اور لائن لاسز میں کمی لانا ہے،ڈیڈ لائن میں توسیع ممکنہ سرمایہ کاروں کی درخواست پر کی گئی۔
کمیشن کےمطابق سرمایہ کاروں کو اندرونی جائزہ مکمل کرنے اور جامع اظہارِ دلچسپی تیار کرنے کے لیے اضافی وقت دیا گیا۔
نجکاری کمیشن نے شفاف، مسابقتی اور سرمایہ کار دوست عمل جاری رکھنے کے عزم کا اعادہ کیا ہے اور مقامی اور بین الاقوامی سرمایہ کاروں کو نجکاری کے عمل میں بھرپور شرکت کی دعوت دی ہے۔
