راولپنڈی (پاک ترک نیوز )لیبیا کے ڈپٹی کمانڈر اِن چیف لیفٹیننٹ جنرل صدام خلیفہ حفتر نے جی ایچ کیو میں فیلڈ مارشل سید عاصم منیر سے ملاقات کی ہے۔جی ایچ کیو آمد پر معزز مہمان کو تینوں مسلح افواج کے چاق و چوبند دستے نے گارڈ آف آنر پیش کیا
ملاقات میں باہمی دلچسپی، علاقائی سلامتی، دفاعی تعاون اور فوجی روابط کے فروغ پر تبادلۂ خیال کیا گیا، ملاقات میں پاکستان اور لیبیا کے درمیان دفاعی تعلقات مزید مضبوط بنانے پر اتفاق کیا گیا
ملاقات میں پیشہ ورانہ عسکری تربیت اور سکیورٹی تعاون کے شعبوں میں تعاون بڑھانے پر زور دیا ،فیلڈ مارشل سید عاصم منیر نے دوست ممالک کے ساتھ امن، استحکام اور تعمیری روابط کے فروغ کے عزم کا اعادہ کیا
لیبیا کے وفد نے پاک مسلح افواج کی پیشہ ورانہ صلاحیتوں کو سراہا،لیفٹیننٹ جنرل صدام خلیفہ حفتر نے خطے میں امن و سلامتی کے لیے پاک افواج کی خدمات کا اعتراف کیا ہے۔
