بنوں ( پاک ترک نیوز) بنوں میں 2 دھماکوں میں سات افراد جاں بحق تین زخمی ہو گئے ، ڈی پی او بنوں یاسر آفریدی کا کہنا ہے دھماکوں کی زد میں ایک وین اور ایک گاڑی آئی ، مسافر وین گاؤں ہاتھی خیل سے بنوں آ رہی تھی۔
یاسر آفریدی نے بتایا ہے کہ پہلے دھماکے میں مسافر وین میں سوار 5 افراد جاں بحق ہو گئے۔ کچھ دیر بعد دوسرا دھماکا ہوا، جس میں امدادی کارروائی کرنے والے 2 افراد جاں بحق ہوئے۔
یہ بھی پڑھیں: امریکا کی حزب اللہ سے منسلک افراد اوراداروں پر نئی اقتصادی پابندیاں
ڈی پی او بنوں نے مزید بتایا لاشوں اور زخمیوں کو خلیفہ گل نواز ٹیچنگ اسپتال منتقل کر دیا گیا۔ دھماکا خیز مواد سڑک کنارے نصب کیا گیا تھا، واقعے کی تحقیقات کی جا رہی ہیں۔
