ہالی ووڈ ( پاک ترک نیوز) ہالی ووڈ اداکار و ہدایتکار جارج کلونی نے اپنی پسند کے جیمز بانڈ کے طور پر برطانوی اداکار کالَم ٹرنر کا نام تجویز کر دیا۔
65 سالہ جارج کلونی کا کہنا ہے کہ اگر ان کی مرضی چلے تو وہ ڈینیل کریگ کے بعد 007 فرنچائز کی ذمہ داری کالَم ٹرنر کو دینا چاہیں گے۔
جارج کلونی کے مطابق 36 سالہ کالَم ٹرنر جیمز بانڈ کے کردار کے لیے بہترین انتخاب ہیں کیونکہ وہ قدآور، خوبصورت، پرکشش اور برطانوی شخصیت رکھتے ہیں۔
جیمز بانڈ سیریز کی اگلی فلم کی ہدایت کاری مشہور ہدایتکار ڈینس ولنیو کر رہے ہیں۔ ممکنہ امیدواروں میں جیکب ایلورڈی، ہیریس ڈکنسن اور ٹی وی سیریز "سلو ہارسز” کے اداکار جیک لاڈن کے نام بھی شامل ہیں۔
