اسلام آباد ( پاک ترک نیوز) حکومت نے سوشل میڈیا انفلوئنسرز پر ٹیکس کا شکنجہ مزید سخت کرنے کا فیصلہ کرلیا ۔
یوٹیوبرز، ٹک ٹاکرز اور ڈیجیٹل کانٹینٹ کریئیٹرز کے لیے نئی مشکل کھڑی ہو گئی۔سوشل میڈیا آمدنی پر 5 فیصد ود ہولڈنگ ٹیکس عائد کرنے کی تجویز سامنے آئی ہے ۔
یوٹیوب، فیس بک، انسٹاگرام اور ٹک ٹاک سے کمائی کرنے والے ٹیکس نیٹ میں آ جائیں گے۔ڈیجیٹل کانٹینٹ بنانے والوں کی آمدنی پر ود ہولڈنگ ٹیکس نافذ کرنے کی تجویز بھی دی گئی ہے ۔
آن لائن مونیٹائزیشن اور اسپانسرشپ آمدن بھی ٹیکس کے دائرے میں آنے کا امکان ہے ۔ہزاروں سوشل میڈیا انفلوئنسرز اور کانٹینٹ کریئیٹرز براہ راست متاثر ہوں گے۔
بینک اور مالیاتی ادارے ادائیگیوں پر 5 فیصد ود ہولڈنگ ٹیکس کاٹیں گے،سوشل میڈیا پلیٹ فارمز سے موصول ہونے والی رقوم پر ٹیکس وصول کیا جائے گا۔
حکومت کا ڈیجیٹل معیشت کو دستاویزی شکل دینے کی جانب اہم اقدام ہے ۔آن لائن کمائی کرنے والے افراد کو باقاعدہ ٹیکس نظام میں شامل کرنے کی تجویز بھی زیر غور ہے ۔
بجٹ منظوری کی صورت میں ڈیجیٹل کانٹینٹ انڈسٹری پر نمایاں اثرات مرتب ہوں گے ۔
