وزیراعظم شہبازشریف کا چین کا دورہ مکمل ،وطن واپس روانہ

بیجنگ ( پاک ترک نیوز) وزیراعظم شہبازشریف کا چین کا دورہ مکمل ہو گیا ،وطن واپس روانہ ہو گئے ، دورے کے دوران وزیراعظم شہبازشریف نے چینی صدر اور وزیراعظم سے ملاقاتیں کیں ،دونوں ملکوں میں کئی معاہدوں پر دستخط کیے، مستقبل میں پاکستان میں اربوں روپے کی سرمایہ کاری متوقع ہے،پاکستان اور چین نے سی پیک ، دفاع، معیشت، زراعت، مصنوعی ذہانت اور خلائی تعاون میں تعاون بڑھانے پر اتفاق کیا ، چین نے پاکستان کی خودمختاری،پاکستان نے ون چائنا پالیسی کی حمایت کا اعادہ کیا ۔
وزیراعظم نے کہا عالمی سطح پر ترقی اور امن کے لئے چین کا اہم کردار ہے، سی پیک خوشحالی کا مںصوبہ ہے ، چینی صدر بولے پاکستان کے ساتھ تعلقات کو ترجیح دیتے ہیں۔
مشترکہ اعلامیے میں کہا گیا کالعدم ٹی ٹی پی، ایسٹ ترکستان اسلامک موومنٹ کو دہشتگردی کی سرگرمیاں کرنے کی بھی اجازت نہیں دی جائے گی۔