اسلام آباد ( پاک ترک نیوز) وزیراعظم شہباز شریف آج اہم دورے پر سعودی عرب روانہ ہوں گے ۔
تفصیلات کےمطابق ترجمان دفتر خارجہ کا کہنا ہے کہ وزیراعظم شہباز شریف آج سے 8 اگست تک سعودی عرب کا سرکاری دورہ کریں گے، وزیراعظم کے ساتھ نائب وزیراعظم ، چیف آف آرمی اسٹاف و چیف آف ڈیفنس فورسز اور وفاقی وزراء پر مشتمل اعلیٰ سطح وفد بھی ہوگا۔
ترجمان دفتر خارجہ کے مطابق نائب وزیراعظم اسحاق ڈار مدینہ منورہ سے پاکستانی وفد میں شامل ہوں گے،اسحاق ڈار یروشلم سے متعلق وزارتی اجلاس میں شرکت کے بعد اردن سے مدینہ منورہ پہنچے تھے۔
یہ بھی پڑھیں: لاہور بورڈ نے میٹرک امتحانات کے نتائج کا اعلان کردیا
وزیراعظم شہباز شریف سعودی ولی عہد وزیراعظم شہزادہ محمد بن سلمان سے ملاقات کریں گے۔وزیراعظم اور سعودی ولی عہد کے درمیان پاک سعودی عرب دوطرفہ تعلقات کے فروغ پر تبادلۂ خیال ہوگا، ملاقات میں علاقائی اور بین الاقوامی امور پر بھی تفصیلی تبادلۂ خیال کیا جائے گا،
ترجمان دفتر خارجہ نے مزید کہا کہ پاکستان اور سعودی عرب کے دیرینہ برادرانہ تعلقات، باہمی اعتماد اور تعاون کو مزید مستحکم بنانے پر زور دیا جائے گا، خلیجی خطے میں کشیدگی کے باوجود وزیراعظم کا دورہ غیرمعمولی اہمیت کا حامل قرار دیا۔
