آر اے شمشاد
شاہینوں کا بڑا امتحان ، پاک آسٹریلیا سیریز کیلئے سکواڈ کا اعلان کردیا گیا ۔
آسٹریلیا اور پاکستان کے درمیان تین میچوں پر مشتمل ون ڈے سیریز کا آغاز 30مئی سے ہو گا ۔یہ میچز راولپنڈی اور لاہور میں کھیلے جائیں گے ۔
پاکستان کرکٹ بورڈ نے آسٹریلیا کیخلاف ون ڈے سیریز کیلئے 16رکنی سکواڈ کا اعلان کردیا ہے ۔ قومی ٹیم کی قیادت شاہین شاہ آفریدی کر رہے ہیں ۔
قومی ون ڈے سکواڈ میں بابراعظم ، نسیم شاہ ، حارث رئو اور شاداب خان کی واپسی ہو ئی ہے ۔
سکواڈ کے دیگر کھلاڑیوں میں صاحبزادہ فرحان ،سلمان علی آغا ،عبدالصمد ،،شامل حسین ،سفیان مقیم کو شامل کیا گیا ہے ۔محمد رضوان ٹیم میں جگہ نہیں بنا سکے ہیں محمد غازی غوری اور روحیل نذیر وکٹ کیپر بیٹر کے طور پر شامل ہیں ۔
پاکستان اور آسٹریلیا کی ٹیمیں ایک روزہ میچ میں 111مرتبہ آمنے سامنے آ چکی ہیں جہاں کینگروز کا پلڑا بھاری ہے انہوں نے 71میچزمیں کامیابی سمیٹی ہے جبکہ پاکستان 36بار جیت کا مزہ چکھ چکا ہے ۔
تین میچز بغیر نتیجہ ختم ہوئے ہیں جبکہ ایک میچ ٹائی ہوا تھا ۔
پاکستان اور آسٹریلیا کے درمیان پہلا ون ڈے میچ 31مئی کو راولپنڈی میں کھیلا جائے گا جبکہ دوسرے ایک روزہ میچ میں دونوں ٹیمیں 2جون کو مد مقابل آئیں گی یہ میچ لاہورکے قذافی سٹیڈیم میں کھیلا جائے گا ۔ سیریز کا تیسرا اور آخری ون ڈے میچ 4مئی کو لاہور میں ہی ہو گا ۔
