وین پارنیل کی آل ٹائم ون ڈے ٹیم تین پاکستانی کھلاڑی شامل

جوہانسبرگ (پاک ترک نیوز ) جنوبی افریقہ کے بائولر وین پارنیل نے اپنی ہمہ وقتی ون ڈے الیون میں تین پاکستانی لیجنڈز کا انتخاب کیا۔
حال ہی میں ورلڈ چیمپئن شپ آف لیجنڈز میں کامیابی حاصل کرنے والی ٹیم کا حصہ رہنے والے پارنیل نے آل ٹائم ون ڈے الیون کی قیادت سابق بھارتی کپتان مہندر سنگھ دھونی کے سپرد کی ہے ۔
اوپننگ بلے بازوں میں جنوبی افریقہ کے ہاشم آملہ اور بھارتی ماسٹر بلاسٹر بلے باز سچن ٹنڈولکر کو شامل کیاہے جبکہ ویرات کوہلی اس فہرست میں تیسرے نمبر پر موجود ہیں ۔ اے بی ڈی ویلیئرز اور مائیکل ہسی کو مڈل آرڈر میں جگہ دی گئی ہے ۔
آل راؤنڈر کی جگہ میں، پارنیل نے پاکستان کے سابق کپتان شاہد آفریدی کا انتخاب کیا، جو اپنی دھماکہ خیز بیٹنگ اور وکٹ لینے والے لیگ سپن کے لیے مشہور ہیں۔ دھونی ٹیم کی قیادت کرنے کے ساتھ ساتھ وکٹ کیپنگ کے فرائض بھی انجام دیں گے۔
پارنیل نے فاسٹ بائولنگ کےشعبے میں ماضی کی مشہور پاکستانی جوڑی وسیم اکرم اور وقار یونس کا انتخاب کیا ہے ۔ان کے ساتھ آسٹریلوی سپیڈ سٹار بریٹ لی بھی شامل ہیں ۔ اسپین کی ذمہ داری مرلی دھرن کو سونپی گئی ہے جن کو شاہد آفریدی کا ساتھ بھی میسرہے ۔
وسیم اور وقار، جنہیں اکثر تاریخ کی سب سے خوفناک فاسٹ باؤلنگ جوڑیوں میں شمار کیا جاتا ہے، اپنی تیز رفتار، جان لیوا یارکرز اور شاندار سوئنگ کے ساتھ ون ڈے کرکٹ پر حاوی رہے۔ وسیم 356 میچوں میں 502 وکٹوں کے ساتھ ون ڈے کی تاریخ میں دوسرے سب سے زیادہ وکٹیں لینے والے بولر ہیں، جبکہ وقار 262 میچوں میں 416 وکٹوں کے ساتھ تیسرے نمبر پر ہیں۔ دونوں نے شاندار ٹیسٹ کیریئر کا بھی لطف اٹھایا، وسیم نے 104 میچوں میں 414 اور وقار نے 87 میچوں میں 373 وکٹیں حاصل کیں۔
وین پارنیل کی آل ٹائم ون ڈے الیون میں یہ کھلاڑی شامل ہیں ۔سچن ٹنڈولکر، ہاشم آملہ، ویرات کوہلی، اے بی ڈی ویلیئرز، مائیکل ہسی، شاہد آفریدی، ایم ایس دھونی (c/wk)، وسیم اکرم، بریٹ لی، متھیا مرلی دھرن، وقار یونس۔