شاہد آفریدی کا اپنے داماد شاہین کے ساتھ ساتھ بابراعظم ،شاداب کو ڈراپ کرنے کا مشورہ

اسلام آباد ( پاک ترک نیوز) پاکستان کرکٹ ٹیم کے سابق کپتان شاہد خان آفریدی نے اپنے داماد شاہین شاہ آفریدی کے ساتھ ساتھ بابراعظم اور شاداب خان کی جگہ نئے لڑکوں کو چانس دینے کا مشورہ دیا ہے۔
سابق کپتان شاہ آفریدی کا کہنا تھا کہ بابراعظم ،شاہین اور شاداب خان بطور سینئرز مطلوبہ نتائج نہیں دے رہے ہیں لہذا ان کی جگہ نمیبیا کیخلاف نئے لڑکوں کو چانس ملنا چاہئے ۔
انہوں نے کپتان سلمان علی آغا پر بھی تنقید کرتے ہوئے کہا کہ بھارت کیخلاف میچ میں ان سے متعدد غلطیاں ہوئی ہیں ان کے کچھ فیصلے بالکل سمجھ نہیں آئے اگر ہمارا ٹرمپ کارڈ عثمان طارق تھا تو اسے دس اوورز تک کیوں چھپائے رکھا ۔
شاہد آفریدی نے مزید کہا کہ شاہین نے آغاز میں اچھی بائولنگ نہیں کی تو آخری اوورز دوبارہ دینے کا فیصلہ کیوں کیا گیا جبکہ فہیم اشرف بھی موجود تھے ۔
ان کا کہنا تھا کہ اگر میرے ہاتھ میں فیصلہ ہو تو میں شاہین آفریدی، شاداب خان اور بابراعظم کو ٹیم سے باہر بٹھاؤں اور نئے لڑکوں کو موقع دوں۔