ڈھاکہ ٹیسٹ ،پاکستان کو شکست ،بنگلہ دیش کی سیریز میں ناقابل شکست برتری

ڈھاکہ ( پاک ترک نیوز) پاکستان اور بنگلہ دیش کے درمیان جاری دو ٹیسٹ میچوں پر مشتمل سیریز کے پہلے ٹیسٹ میچ میں پاکستان کو شکست کا سامنا کرنا پڑا ،بنگلہ دیش نے سیریز میں ناقابل شکست برتری حاصل کرلی۔
تفصیلات کے مطابق ڈھاکہ میر پور سٹیڈیم میں کھیلے جا رہے پہلے ٹیسٹ میچ میں شاہین بنگال ٹائیگرز کی جانب سے دیئے گئے 268رنز کا ہدف حاصل کرنے میں ناکام رہے ۔
پاکستان کی پوری ٹیم دوسری اننگز میں 163رنز سکی ۔ بنگال ٹائیگرز نے یہ میچ 104رنز سے اپنے نام کیا ۔بنگلہ دیش کو دو میچوں پر مشتمل سیریز میں ایک صفر کی ناقابل شکست برتری حاصل ہو گئی ہے ۔
اس سےقبل بنگلہ دیش نے دوسری اننگز میں 240رنز 9وکٹوں کے نقصان پر اننگز ڈیکلیئر کردی تھی اور شاہینوں کو جیت کیلئے 268رنز کا ہدف دیا تھا ۔
قبل ازیں بنگلہ دیش نے پہلی اننگز میں 413رنز بنائے تھے جس کے جواب میں پاکستان بیٹنگ لائن 385رنز بنا کر پویلین لوٹ گئی تھی ۔
واضح رہے کہ دو میچوں پر مشتمل سیریز کا دوسرا ٹیسٹ میچ 16مئی سے شروع ہو گا ۔