واشنگٹن ( پاک ترک نیوز) چاند پر انسانوں کی نئی دنیا بسانے کی تیاری۔۔۔ناسا کا سنسنی خیز منصوبہ سامنے آ گیا۔۔۔،ناسا نے چاند پر مستقل انسانی موجودگی کے لیے منصوبہ پیش کر دیا ،ناسا حکام کے مطابق آنے والے برسوں میں متعدد آرٹیمس مشنز کے ذریعے چاند پر مستقل بیس قائم کی جائے گی، جہاں خلا باز رہ سکیں گے، کام کر سکیں گے اور نئی تحقیق انجام دیں گے۔
منصوبے کے مطابق دو ہزار اٹھائیس تک انسانوں کو دوبارہ چاند پر اتار جائے گا ،دو ہزار تیس تک مستقل قمری اڈے کی بنیاد رکھ دی جائے گی۔ناسا کے قائم مقام ایسوسی ایٹ ایڈمنسٹریٹر گریگ اسٹوور کا کہناہے 2039 میں “آرٹیمس XVIII” مشن چاند پر لینڈ کرے گا۔اس مشن میں جدید خلائی ٹاور روشن قمری لینڈنگ پیڈ پر اترے گا جبکہ خلا باز خصوصی گاڑیوں کے ذریعے قمری کالونی تک پہنچیں گے۔
گریگ اسٹووور نے کہا آرٹیمس II کے انتہائی کامیاب قمری فلائی بائی مشن کے بعد ناسا اب چاند پر متعدد مشنز کی تیاری کر رہا ہے تاکہ 2036 تک وہاں ایک مستقل کالونی قائم کی جا سکے۔ یہ منصوبہ جزوی طور پر 18 دسمبر 2025 کو جاری ہونے والے ٹرمپ انتظامیہ کے ایک ایگزیکٹو آرڈر کا نتیجہ ہے، جس میں ناسا کو ہدایت دی گئی تھی کہ وہ اپنی خلائی تحقیق کا مرکز دوبارہ چاند کو بنائے۔
اس حکم کے مطابق ناسا کی ترجیحات میں 2028 تک انسانوں کو دوبارہ چاند پر اتارنا اور 2030 تک وہاں مستقل قمری اڈہ قائم کرنا شامل ہے۔
چاند پر انسانوں کی نئی دنیا بسانے کی تیاری
