ڈھاکہ ( پاک ترک نیوز) دو میچوں پر مشتمل سیریز کے پہلے ٹیسٹ میچ کے دوسرے دن کے کھانے کے وقفے تک بنگلہ دیش نے پاکستان کیخلاف 7وکٹوں کے نقصان پر 380رنز بنا لئے ہیں ۔
تفصیلات کے مطابق پاکستان اور بنگلہ دیش کے درمیان کھیلے جا رہے دوسرے ٹیسٹ میچ کے دوسرے دن کھانے کے وقفے تک بنگلہ دیش نے 380رنز بنائے ہیں اور اس کے 7کھلاڑی پویلین لوٹ گئے ہیں ۔
مشفق الرحیم 71جبکہ عبادت حسین بغیر کوئی رن بنائے کریز پر موجود ہیں ۔
لٹن داس 33، مہدی حسن 10جبکہ تیج الاسلام 17 رنز بنا کر آئوٹ ہوئے ۔
پاکستان کی جانب سے محمد عباس نے 4جبکہ شاہین ،نعمان اور حسن علی نے ایک ایک وکٹ حاصل کی۔
اس سے قبل بنگلادیش کرکٹ ٹیم نے پاکستان کےخلاف پہلے ٹیسٹ کے پہلے دن کے اختتام پر چار وکٹوں پر 301 رنز بنائے تھے ۔
یہ بھی پڑھیں: آسٹریلوی کرکٹ ٹیم ون ڈے سیریز کیلئے23 مئی کو اسلام آباد پہنچے گی
ڈھاکا میں کھیلے جارہے میچ کے پہلے روز 85 اوورز کا کھیل ہوا، مشفق الرحیم 48 اور لٹن داس 8 رنز پر ناٹ آؤٹ رہے
بنگلادیش کے کپتان نجم الحسن شنتو 101، مومن الحق 91، محمود الحسن جوائے 8 اور شادمان اسلام 13 رنز بنا کر آؤٹ ہوئے
اس سے قبل پاکستان نے پہلے ٹیسٹ میچ کی ٹاس جیت کر فیلڈنگ کا فیصلہ کیا، گرین کیپ کی طرف سے اذان اویس اور عبداللّٰہ فضل نے ٹیسٹ ڈیبیو کیا۔
گھٹنے کی انجری کے باعث بابر اعظم اس میچ کے لیے پاکستان ٹیم کو دستیاب نہیں ہیں۔دونوں ٹیموں کے درمیان دوسرا ٹیسٹ میچ سلہٹ میں 16 مئی سے شروع ہو گا۔
