آسٹریلوی ملٹری کالج میں پاکستانی کیڈٹ سردار ارسام عباس بیسٹ فارن ملٹری کیڈٹ قرار

راولپنڈی ( پاک ترک نیوز) آسٹریلوی رائل ملٹری کالج ڈنٹروون میں پاکستانی کیڈٹ سردار ارسام عباس اوور آل بیسٹ فارن ملٹری کیڈٹ قرار ۔۔آئی ایس پی آر کے مطابق پاسنگ آؤٹ پریڈ آسٹریلوی شہر کینبرا میں ہوئی ۔ سردار ارسام عباس کا تعلق پاکستان ملٹری اکیڈمی کے 152 لانگ کورس سے ہے،اعزاز بہترین پیشہ ورانہ صلاحیت، عزم اور تربیتی کارکردگی پر دیا گیا۔
آئی ایس پی آر کے مطابق آسٹریلوی چیف آف آرمی لیفٹیننٹ جنرل سائمن اسٹیورٹ نے پاسنگ آؤٹ پریڈ کا معائنہ کیا،تقریب میں پاکستانی ہائی کمشنر، سفارتی عملے، آسٹریلوی دفاعی حکام اور کیڈٹس کے اہلخانہ نے شرکت کی۔
2009 سے اب تک 46 پاکستانی کیڈٹس رائل ملٹری کالج ڈنٹروون سے فارغ التحصیل ہو چکے ہیں،2013 سے پاکستان آرمی کے 7 افسران آر ایم سی ڈنٹروون میں پلاٹون کمانڈر کے فرائض انجام دے چکے ہیں۔یہ 14واں موقع ہے جب کسی پاکستانی کیڈٹ نے “اوور آل بیسٹ فارن ملٹری کیڈٹ” کا اعزاز حاصل کیا۔
آئی ایس پی آر کے مطابق لیفٹیننٹ ناصر حسین خالد سہریہ شہید تمغۂ بسالت کا نام بھی آر ایم سی کے یادگاری پتھر پر کندہ ہے، لیفٹیننٹ ناصر حسین خالد سہریہ شہید نے 4 ستمبر 2020 کو شمالی وزیرستان میں جامِ شہادت نوش کیا تھا۔