پنجاب میں 35لاکھ افراد بیروزگار ، ایمپلائمنٹ فیسیلیٹیشن سینٹرز قائم کرنے کا فیصلہ

لاہور( پاک ترک نیوز) پنجاب میں بے روزگاری بڑا چیلنج، 35 لاکھ افراد بےروزگار،دستاویزات میں انکشاف ، ، پنجاب حکومت کا ایمپلائمنٹ فیسیلیٹیشن سینٹرز قائم کرنے کا فیصلہ،چھ بڑے اضلاع میں روزگار مراکز قائم کیے جائیں گے،محکمہ لیبر کو دو سال میں لیبر مارکیٹ کو جدید بنانے کا ٹاسک دے دیا گیا ۔
ایمپلائمنٹ فسیلیٹیشن سنٹرز کے قیام پر ایک ارب 70 کروڑ لاکھ آئے گی۔دستاویزات کے مطابق نوجوانوں کو مقامی، بیرون ملک ملازمتوں کے مواقع، کونسلنگ فراہم کی جائے گی، بے روزگاری کم کرنے کیلئے ڈیجیٹل جاب میچنگ سسٹم متعارف کرایا جائے گااسکل ڈیولپمنٹ، کریئر کونسلنگ پروگرامز منصوبے کا حصہ ہوں گے،اوورسیز روزگار کیلئے ویزا، ریکروٹمنٹ رہنمائی فراہم کی جائے گی، خواتین کو برابر مواقع دینے کیلئے خصوصی اقدامات شامل کیے جائیں گے۔