کراچی(پاک ترک نیوز ) کراچی میں پولیس تحقیقات میں ایک اورجعلی پولیس مقابلے کا بھانڈا پھوٹ گیا،منگھوپیر تھانے کے سابق ایس ایچ او خوش نواز پتافی پر جعلی پولیس مقابلے کا الزام ثابت ہو گیا ،چار اور 5 فروری کی درمیانی شب ہونے والا پولیس مقابلہ جعلی قرار دے دیا گیا ،تحقیقاتی رپورٹ کے مطابق سابق ایس ایچ اومنگھوپیرنے زیرحراست نوجوانوں کے ورثاء سے بھاری رقم کی ڈیمانڈ کی ،پولیس نے رقم نہ ملنے پرپہلے سے زیرحراست 2 نوجوانوں کو مبینہ مقابلہ میں ہاف فرائی کردیا،نوجوان پیشے کے اعتبار سے ٹینکر ڈرائیور تھے،مقابلے کے ساتھ جعلی پولیس کرمنل ریکارڈ بنانے کا بھی انکشاف ہوا۔ایس ایچ او سمیت پانچ اہلکار جعلی مقابلے میں ملوث پائے گئے، ذرائع کے مطابق منگھوپیرمقابلے کی انکوائری رپورٹ نے دیگر پولیس مقابلےمشکوک بنا دیئے
ADVERTISEMENT
