بانی کی قانونی دستاویزات پر دستخط کا معاملہ،وکیل کا سپرنٹنڈنٹ اڈیالہ جیل کو خط

راولپنڈی(پاک ترک نیوز )بانی پی ٹی آئی کی قانونی دستاویزات پر دستخط کا معاملہ،پانی پی ٹی آئی کے وکیل خالد یوسف چودری نے سپرنٹنڈنٹ اڈیالہ جیل کو ایک اور خط لکھ دیا۔
خط کے متن کے مطابق قانونی دستاویزات پر دستخط کروا کر واپس کیئے جائیں،قانونی دستاویزات اور پاور آف اٹارنی جیل انتظامیہ کو بھجوائے گئے تھے، دستاویزات 7 اپریل کو جیل انتظامیہ کو بھجوائے جو کہ 9 اپریل کو موصول ہوئے تھے،دستاویزات موصول کرنے کے لیے 13 اپریل کو اڈیالہ جیل بھی گئے تھے،جیل عملے نے دستاویزات کے حوالے سے آمد اور مقصد کو باقاعدہ ریکارڈ بھی کیا۔
کئی گھنٹے انتظار کے باوجود بانی پی ٹی آئی کی قانونی دستاویزات حوالے نہیں کی گئی،قانونی دستاویزات حوالے نہ کر کے سنگین انتظامی غفلت کا مظاہرہ کیا گیا،قانونی دستاویزات نہ ملنے سے بانی پی ٹی آئی کے حقوق،انصاف تک رسائی اور منصفانہ ٹرائل متاثر ہو رہا ہے۔