پی ایس ایل سیزن 11کیلئے غیر ملکی کھلاڑیوں کی آمد جاری

پاکستان سپر لیگ ( پی ایس ایل )سیزن 11کیلئے غیر ملکی کھلاڑیوں کی پاکستان آمد کا سلسلہ جاری ہے۔
پی ایس ایل سیزن 11میں حصہ لینے کیلئے نیوزی لینڈ اور آسٹریلیا کی کھلاڑی پاکستان پہنچ گئے ۔
نیوزی لینڈ کے کھلاڑی ڈیوڈ کانوائے اور مارک چیپمین اسلام آباد یونائیٹڈ کیلئے ایئر پورٹ پہنچ گئے اور مداحوں کو اردو میں پیغام بھی جاری کیا ۔
ویڈیو میں دونوں کھلاڑیو ںکو ایک ساتھ دیکھا جاسکتا ہے جبکہ مارک چیپمین کہتے ہیں ’ہم آگئے ہیں شیروز‘۔
لیجنڈ آسٹریلوی کھلاڑی سٹیو سمتھ بھی لاہور پہنچ گئے وہ ملتان سلطانز کا حصہ ہیں۔
ملتان سلطانز کے دیگر کھلاڑی جوش فلپ،پیٹر سڈل ،تبریز شمسی اور کوچ ٹم پین نے بھی ٹیم کو جوائن کرلیا ہے۔ملتان سلطانز کے تمام غیر ملکی کھلاڑی پاکستان پہنچ چکے ہیں۔
یاد رہے پاکستان سپر لیگ (پی ایس ایل )کے سیزن11 کے شیڈول میں بڑی تبدیلی کی گئی ہے۔
پاکستان کرکٹ بورڈ نے کفایت شعاری اقدامات کے تحت ٹورنامنٹ کو صرف دو شہروں میں اور تماشائیوں کے بغیر کرانے کا فیصلہ کیا ہے۔
چیئرمین پی سی بی محسن نقوی نے گزشتہ روز پریس کانفرنس میں کہا تھا کہ شائقین سے معذرت خواہ ہیں، ٹکٹ کے پیسے واپس کیے جائیں گے۔