لاہور( پاک ترک نیوز) رمضان کے آخری عشرے کی وہ رات، جس کی عبادت ہزار مہینوں سے افضل ہے جی ہاں، ہم بات کر رہے ہیں لیلۃ القدر کی، جو ہر مسلمان کے لیے رحمتوں اور بخشش کی رات ہے۔
لیلۃ القدر رمضان کے آخری عشرے کی طاق راتوں میں آتی ہے، خاص طور پر اکیس ،تیئس ،پچیس ،ستائیس اور 29ویں رات میں تلاش کی جاتی ہے،احادیث کے مطابق اس رات کی عبادت ہزار مہینوں کی عبادت سے افضل ہے۔ قرآن مجید کی پہلی وحی بھی اسی رات نازل ہوئی۔ ہر مسلمان اس رات میں قیام، قرآن کی تلاوت، اور دعا کے ذریعے روحانی سکون حاصل کر سکتا ہے۔ یہ رات گناہوں کی بخشش اور زندگی میں برکتوں کا پیغام لاتی ہے
علمائے کرام کے مطابق لیلۃ القدر کی رات میں کی گئی عبادت انسان کے دل کو پاکیزگی عطا کرتی ہے، اور اس کی زندگی میں سکون و برکت پیدا کرتی ہے۔
یہ رات عبادت کی اور دعا کی رات ہے۔ اپنی روح کو پاکیزہ کریں، دل سے دعا کریں اور اس خاص رات کی برکات حاصل کریں۔ کیونکہ یہ رات واقعی میں خدا کی رحمتوں سے بھرپور ہے
سعودی عرب میں رمضان المبارک کی ستائیسویں شب کو روح پرور مناظر دیکھنے کوملے ، مسجد الحرام اور مسجد نبوی میں لاکھوں فرزندان اسلام عبادت کرتے رہے ، امت مسلمہ کے لیے دعائیں مانگیں ۔
حرم شریف کی اطراف کی سڑکیں نمازیوں سے بھر گئیں، تجارتی مراکز اور ہوٹلوں کی راہداریوں میں لوگ عبادت کرتے رہے
