پاکستان میں توانائی بحران کا خدشہ بڑھ گیا ،صرف 14روز کا تیل باقی،14اپریل کے بعد گیس نہیں ہو گی

اسلام آباد (پاک ترک نیوز) مشرق وسطیٰ میں کشیدگی سے پاکستان میں توانائی بحران کا خدشہ بڑھ گیا ۔ ملک میں خام تیل کے 11 روز کے ذخائر باقی رہ گئے۔
ڈیزل 21 دن، پیٹرول 27 جبکہ ایل پی جی 9 دن کے لیے دستیاب ہے۔ سینیٹ کی قائمہ کمیٹی برائے پیٹرولیم کے اجلاس میں سیکرٹری پٹرولیم نے اعداد و شمار پیش کر دیئے ۔
بتایا 70 فیصد پٹرولیم مصنوعات مشرق وسطیٰ سے آتی ہیں، کشیدہ صورتحال کے باعث اس وقت جہازوں کی آمد و رفت بند ہے۔ ڈی جی ایل این جی نے بریفنگ دیتے ہوئے کہا مارچ میں گیس کے آٹھ میں سے صرف دو کارگو آ سکے ہیں۔ ہمارے پاس 14 اپریل کے بعد گیس نہیں ہوگی۔ ڈیمانڈ بڑھنے پر آذربائیجان سے تین گنا مہنگی ایل این جی لینا پڑے گی۔