آزربائیجان سے درآمد کردہ گیس شام کو فراہم کریں گے ۔ ترک وزیر توانائی

باکو(پاک ترک نیوز)
ہم نے آذربائیجان کے ساتھ تبادلے کے ایک معاہدے پر دستخط کیے ہیں۔ اس معاہدے کے تحت آذربائیجان سے برآمد کی جانے والی گیس کلیس کے راستے شام، خاص طور پر دمشق کو فراہم کی جائے گی۔ یہ بات ترکیہ کے توانائی اور قدرتی وسائل کے وزیر الپرسلان بایراکتار نے بتائی۔ انہوں نے اعلان کیا کہ آذربائیجان سے منتقل ہونے والی گیس اس ہفتے شام کو پہنچائی جائے گی۔وزیر نے کہا کہ2 اگست کو ہم آذربائیجان، شام اور قطر کے اپنے ہم منصبوں کے ساتھ کلیس میں ایک تقریب منعقد کریں گے۔
یر الپرسلان بایراکتار نے مزید بتایا کہ برآمد شدہ گیس شام میں بجلی کی پیداوار کے لیے استعمال کی جائے گی ۔ شام کو 6 ملین کیوبک میٹر گیس برآمد کرنے کے نتیجے میں روزانہ 1,200 میگاواٹ بجلی پیدا کرنا ممکن ہو گا۔ اس سے شام کے موجودہ توانائی کے بنیادی ڈھانچے کو ایندھن کی فراہمی میں مدد ملے گی۔
اس وقت شام میں بجلی دن میں صرف 3 سے 4 گھنٹے دستیاب ہے۔ اس نئی فراہمی کے ساتھ، یہ اعداد و شمار روزانہ 10 گھنٹے تک بڑھنے کی توقع ہے، جس سے رہائشیوں کے معیار زندگی میں نمایاں بہتری آئے گی۔