پاکستان کو بنگلہ دیش نے پہلی بار اپنی سرزمین پر ٹیسٹ سیریز میں وائٹ واش کردیا

سلہٹ ( پاک ترک نیوز) پاکستان کو بنگلہ دیش کیخلاف ٹیسٹ سیریز میں کلین سوئپ کی ہزیمت کا سامنا کرنا پڑا ہے ۔بنگلہ دیش نے دوسرے ٹیسٹ میں شاہینوں کو شکست دے کر وائٹ واش کردیا ۔
تفصیلات کے مطابق بنگلہ دیش نے دوسرے ٹیسٹ میں پاکستان کو 78رنز سے شکست دے کر سیریز دو صفر سے اپنے نام کرلی ۔
پاکستان کی پوری ٹیم دوسری اننگز میں 437رنز کے دف کے تعاقب میں 358رنز بنا کر آئوٹ ہو گئی ۔
پاکستان کی جانب سے محمد رضوان نے 94،سلمان آغا اور کپتان شان مسعود نے 71،71رنز کی اننگز کھیلی ۔
بنگلہ دیش کی جانب سے تیج الاسلام نے 6،ناہید رانا نے دو کھلاڑیوں کو آئوٹ کیا۔
یاد رہے کہ پاکستان کو تاریخ میں پہلی بار بنگلہ دیش کی سرزمین پر ٹیسٹ سیریز میں کلین سوئپ کا سامنا کرنا پڑا ہے ۔
اس سےقبل بنگلہ دیش نے اپنی دوسری اننگز میں 390رنز سکور کئے تھے ۔
قبل ازیں بنگلہ دیش نے اپنی پہلی اننگز میں 278رنز بنائے تھے جس کے جواب میں پاکستانی ٹیم 232رنز بنا سکی تھی ۔
واضح رہے کہ پاکستان کو پہلے ٹیسٹ میچ میں بھی بنگلہ دیش کے ہاتھوں شکست کا سامنا کرنا پڑا تھا یہ پہلا موقع تھا کہ پاکستان کو بنگلہ دیش کی سرزمین پر کسی ٹیسٹ میچ میں شکست ہوئی تھی ۔